Lada long Ilekshon Speaker kan long ha ka 10 lane 12 tarik  Nailur: Timothy

Shillong, Nailar 23: Ka jingialang jong ka Business Advisory Committee (BAC) hapoh ka jingpyniaid jong u Deputy Speaker u Timothy D Shira, ha kaba la don lang u nongialam ka liang pyrshah u Dr Mukul Sangma, u Deputy Chief Minister u ba dei peit ia ka tnad Parliamentary Affair Minister u bah Prestone, u Bah Charles Pyngrope kum u dkhot bad ki ophisar kila shim ia ka rai ba ka jingiashong dorbar kan sdang ha ka 6 tarik bad kan kut ha ka 13 tarik Nailur.

Ki jingiashong dorbar kan long hynriew sngi lynter, bad ha kine ki sngi, lai sngi la buh na ka bynta ka private business bad ar sngi na ka bynta ka Government Business. Na ka liang jong ka BAC kala shim ia kane ka rai ban ai kham bun ka por na ka bynta ka private business la ong u Deputy Speaker.

Haba kren ha ki lad pathai khubor ha dien ka jingialang jong ka BAC na ka liang jong u Deputy Speaker u la ong ba ha duh mynta ym pat lah ban pynthikna la kan long ne em ka ilekshon ban jied ia u speaker jong ka iing dorbar kaba la sah thylli mynta na ka daw jong ka jingkhlad noh jong u speaker.

La iathuh ruh ba ha ka jingshisha ka dorbar ka dei ban kut noh ha ka 10 tarik mynta u Nailur, hynrei da ka jingantad ba kan long ka ilekshon ban jied ia u sprkar la pynjlan sha ka 13 tarik bad lada pynlong ilekshon kan long ha ka 10 lane 12 tarik kiba dei ki sngi bala buh na ka bynta ka Government Business.

Haba ia dei bad ka jingpyniaid ia ka ophis secretariat jong ka Assembly u Deputy Speaker u la ong ba la pyniaid da u Deputy Speaker namar ka rule kala kren shai ba lada ym don speaker u Deputy Spekaer u lah ban pyniaid ia ki kam jong ka ophis kum u Speaker.

What Next?

Recent Articles

Leave a Reply

Submit Comment

*