Shillong, Nailar 04: U Bah Alexander Laloo Hek MLA jong ka Pynthorumkhrah u la ong ba “lada u Amit Shah National President jong ka BJP u khot ia nga ban leit ia kynduh, ngan leit ia kynduh”.
Ha ka jingiakren bad ki nongthoh khubor mynta ka sngi ha phyllaw iing jong u Lat ka jylla ha dien ka jingpynsmai myntri na ka liang jong u Bah Hek, u la ong kam don jingpher haba leit ia kynduh lada u khot, kam don jingpher ei ei ruh em.
Kum para briew ha ba ia khot hap ban leit, lada ym leit kin ong kumno, “ Ngam sngew ei ei lada u ta u national president jong ka BJP u khot ngan leit ban ia kynduh lada u wan sha Shillong”.
U Bah Hek u la jop ia ka MLA Election ha u snem 1998, 2003 bad 2008 na ka seng BJP, hynrei u la leit ban pyniasoh bad ka seng Congress bad ha u snem 2013 u la ia khun na ka tiket congress bad u la jop ia ka MLA election na kane ka juh ka Constituency.
