Shillong, Jymmang 01: U Bah Karnes Sohshang MDC jong ka Congress u la ong ba lada ka kynhun kaba paid na ka UDA kin pan ia ka jingkyrshan na ka seng Congress na ka liang ka party ki long kiba la kloi ban kyrshan, ym ia u Chief Executive Member jong ka KHADC ban pynneh ia ka Executive Committee san snem, la ong u Bah Karnes Sohshang MDC ka Congress.
Haba kren ha u SP News Agency u Bah Karnes, u la ong ba ka congress ka kwah ban iohi ba ka EC ka dei ban neh san snem khang ban lah ban trei na ka bynta jong ki paidbah, kin kwah ban ai jingkyrshan ia ka EC ka ban nym neh, la ong biang lada ka kynhun pa paid ka don kam ia ka jingkyrshan ki long kiba la kloi ban kyrshan.
Haba jubab ia ki jinyllli hato kin ai ne em ia ka jingkyrshan ia u CEM lada u pan ia ka jingkyrshan u Bah Karnes u la ong “ U CEM u long kumba mih niang pyrsit ban ia kynduh ia ki”. Kumba ka long haduh mynta kam pat don kano kano ka jingiakynduh ne ka jingpan jingkyrshan na ka kynhun ba paid ha ka UDA.
Na ka liang jong ka Congress haba kan leit ban kyrshan ia kano kano ka EC ka kwah ban iohi ba kata ka EC kan neh san snem, lada don ba shet kylla ruh ai ki paidbah kin ai ia ka jingbishar. Hynrei na ka liang jong ka Congress kan nym shet jylla kan burom ia ka ei kaei kaba ki paidbah ki la ai ia ka rai, la ong u Bah Karnes.
Ban shu kdew hangne,ka long kaba shai ba ha District Council kam don ia kata ka ain kyntiap seng bad ki MDC ki lah ban ia trei bad no bad no khlem da shah teh lakam, kumba ka long mynta ha ka iing dorbar ka 29 ngut, ka UDP kaba ialam ia ka EC ka don 6 ngut ki MDC ba jop na ka party bad u Bah Teiobor Pathaw u la ba la leit ban pyniasoh ki la don 7 ngut bad ka Congress ka don 10 ngut ki MDC. Ka PDF 1, HSPDP 2, NPP 7, Ind 2.
