Lada u Myntri Rangbah ka jylla um treh khot ia kren ka FPWD kan iakhih ha Shillong

Shillong, Nailar 27: Ka seng kaba la tip kum ka “Federation of Person With Disabilities” kaba dei ka seng jong ki briew kiba don jingduna, kaba kyntup ia ka Meghalaya Deaf Association, Khasi Disable Association , All Meghalaya Association of Person with Disabilities, Meghalaya Liberation of Visually Impaired bad ka Garo Hills Association of the Deaf kala pan ban ia kynduh bad u myntri rangbah ka jylla u Conrad K Sangma naduh ka 12th Jylliew 2019.

Kane ka jingpan ban ia kynduh kala iaid mynta la ar bnai tam hynrei haduh mynta na ka liang jong u myntri rangbah ym pat khot ia ki ban ia kren bad ka jingbympatiaw ka jong u myntri rangbah ban khot ia kren ia ka Federation ba kin ioh ban pynsngew ia ki jingleh ha ka liang ka iohkam ioh jam jong ki briew kiba don ka jingduna ha ki dkhot met ha ka jylla Meghalaya ka pynduh mynsiem bad ka pynshlur ia ka Federation ban shim da kiwei pat ki lynti.

Kumta na ka liang jong ka Federation kin ap sa katto katne sngi bad lada u Myntri Rangbah um treh ban ia kren kin pynlong noh da ka jingiakhih ha ka nongbah Shillong ban pynbor ia ka sorkar ban pyntrei kam ia ka hok jong ki briew kiba don jingduna ha ki dkhot met  ha ka jylla katkum ka ain “The Right of Persons  with Disabilities Act, 2016. Kane ka long katkum ka kyrwoh kaba la phah da ka samla Ibadalin Kharbuli General Secretary Federation of Person with Disabilities.

 

What Next?

Recent Articles

Leave a Reply

Submit Comment

*