Lada ym don rekord ia u pud u sam kan poi ka jingiakajia pud bad ka GHADC, JHADC: Manstudy

ManstudyShillong, Risaw 13: U Bah Manstudy Nongrem MDC jong ka Ranikor u ba dei ruh u nongialam ka liang pyrshah hapoh jong ka KHADC, mynta ka sngi u la leit ban rah ia ka mat jingiakren hapoh ka iing dorbar ha kaba ia dei bad ka phang ban bun rekord ia u pud u sam jong ki hima ki shnong ki thaw hapoh jong ka KHADC.

Haba kren hapoh ka iing dorbar u Bah Nongrem u la ong ba ka KHADC ka dei ban leh ei ei ha kaba ia dei bad ka jingbuh jingthoh ia u pud u sam jong ki hima khamtam ha ki khappud bad ka Assam, ka KHADC ka dei ban buh dak namar kumba ka long mynta kawei ha dien kawei ka sorkar kim lah ban pynbeit ia u pud u sam ha peng kine ki ar tylli ki jylla.

U la ong haduh mynta kam pat don kano kano ka jingeh ha pdeng ki ar tylli ki District Council, ka JHADC bad ka GHADC, ioh leh se kan poi ka por ba kan don ka jingiakajia pud bad kine ki ar tylli ki District, kumno yn leh haba ka KHADC kam don ia ki map jong ki hima bad ka Council kane ka buh ia ka jingeh, ban lait ia ki jingeh kiba ki long dien kin mad kan bha ia ka Council ba kan pan ia ki Map jong ki hima.

Na ka liang jong u Bah Nongrem u la ong ba ka mih ka jingia kajia ha pdeng ki hima ka dei na ka daw ba kam don ia ki map jong u pud u sam jong, ban leh ia kane dei tang ki hima kiba lah ban tip janai ia la  u jongu pud u sam jong ka hima, ka council ka dei ban bethah ia ki Hima ba kin ai ia ka map jong ki sha KHADC ban buh rekord.

La ong ba ha kine snem kiba la leitnoh ka don ka Boundary Committee hapoh jong ka Council bad kane ka Committee kala wanrah ruh ia ka kaiphot ha kaba ka Council ka la ai ruh sha ka sorkar jylla ia ki ar tylli ki kaiphot ha kaba ia dei bad ka khyndew ka shyiap naka liang jong ka EC ka dei ban pynneh ia ka tei ka Committee.

Haba jubab ia kane na ka liang jong u CEM jong ka KHADC u Bah PN Syiem u la ong ba kane ka phang ka long kaba don kam, namar ha ka rukom ia ka khyndew la tip da ki hima, ki sirdar lada ka council kam don shisha ia ki rekord kan long kaba eh shibun bad kan buh ha ka jingeh. Na ka liang jong ka Council kan sa shim khia ia kane la kulr u CEM.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet