Shillong, Nohprah 06: Mynta ka sngi ka synjuk ki rangbah shnong na ka Raid Nongtung kumba la btah da u myntri rangbah ka jylla u Conrad K Sangma kila leit ban ia kynduh ia u Secretary ka tnad kam poh iing u bah CVD Diengdoh ban ia kren halor ka BOP ha Ri Bhoi.
Haba kren ha ki lat pathai khubor ha dien ba la ia kynduh ia u bah CVD Diengdoh Secretary ka tnad kam poh iing ka sorkar Meghalaya la iathuh ba kane ka jingiakynduh ka dei halor ka jingbthah jong u mytnri rangbah ka jylla ban ia kren kham bha halor ka BOP.
Ha kane ka jingiakynduh na ka lang jong ka synjuk ki rangbah shnong ka Raid Nongtung kila kren shai ha khmat jong u Secretary ba lada ka sorkar kam lah ban buh ia ka BOP ha Umlaper, Ummat ne Umtlieh, ka sorkar ka dei ban buh ia ka kynhun pulit ba shipor ban iada ia ki paidbah nongshong shnong katba ym pat lah ban pynbeit ia u pud u sam.
La ong ba lada buh ia ka BOP ha Riad Tyrso bad ha Thadrang kam don jingmut namar ki jngai kumba 20 hadh 30 km na kitei ki shnong bad ki hap ban iaid lyngba ka surok Mawlasnai, la pynsngews sha u Secretary ka tnad kam poh iing ban sngeap lem ia kane ka jingpynsngew ki rangbah katei ka thain.
