Shillong, Naiwieng 01: U myntri rangbah kajylla u Dr Mukul Sangma u la ong ba ka sorkar ka la dep ban bishar bniah halor ka tulop ba thymmai jong ki nongtrei sorkar, wat la ka sorkar ka don hapdeng shibun ki jingeh hynrei ki nongtrei sorkar ki dei ban ioh ia ka hok jong ki.
Na ka liang jong ka sorkar ka hap ban peit na baroh ki liang wat hadpeng ki jingeh ki nongtrei sorkar ki dei ban ioh ia ka hok jong ki la ban biang u myntri rangbah, hynrei um shym la ong pat lano ka sorkar kan shim ia ka rai ne ban pynbna. U la ong ba ka sorkar kala dep ban peit bniah.
Haba ia dei bad ka skhim SRWP ia kaba la tip kum ka MLA skhim na ka liang jong u myntri rangbah, u la ong ba mynta kala dei ka por trei, hynrei ka por ka dang biang ka State Level Committee kan sa shong ban bishar bniah.
