Ladep ban ia pynbeit ka NPP,UDP,sngi nyngkong lah ai jingmynjur u Lat ia ki EM ka JHADC

Shillong, Iaiong 14: Ha ka sngi nyngkong ban wan u Lat jong ka jylla u lah ban ai ia ka jingmynjur ka jong u ia ki Executive Member jong ka Jaintia Hills Autonomous District Council ha dien ba ki ar tylli ki party ka NPP bad ka UDP kila dep ban ia pynbeit hapdeng jong ki.

Katkum ki lad khubor kiba la ioh la ong ba ha dien ba ka District Council Affair jong ka sorkar jylla kala dew ia ki jingduna ha kaba phah ia ki kyrteng jong ki EM bah phah sha u Lat ka jylla ban ioh ia ka jingmynjur, na ka liang jong ka NPP bad ka UDP kiba ia treilang, kloilan kila ia pynbeit ia kane ka jingdokhoh bad kila phah biang sha ka DC(A) ban pat pat sha u Lat jong ka jylla ban ioh ia ka jingmynjur.

Katkum ki lad khubor kiba la lah ban ioh la iathuh ba na ka liang jong ka DC(A) kala dep ban pynbiang ia ki jingdon kam katkum kikyndon bad kaba sah mynta ka long ban phah ia sha u Lat jong ka jylla ban ioh ia ka jingmynjur bad la sngewthuh ba ha kane ka sngi nyngkong ban wan la lah ban ioh ia ka jingmynjur jong u Lat ia ki kyrteng jong ki EM hapoh jong ka JHADC.

Lah ban pynkynmaw ba u nongialam jong ka NPP u Bah Prestone Tynsong, u la ong ba ka jingslem ban phah sha u Lat ia ki kyrteng jong ki EM, “I mat ka don ka jingdkoh, la phah biang sha ka JHADC ba kan pynbeit ia kane ka jingdkoh bad ha dien ba la lah ban pynbeit ia kane ka sorkar kan phah sha u Lat ban ai ia ka jingmynjur”.

What Next?

Recent Articles

Leave a Reply

Submit Comment
*