Shillong, Nailur 21: Ka Election MLA 2018 napoh jong ka Sohiong Constituency ka lah ban poi sha ka jingiakhun para marwei hapdeng u kyrtong jong ka seng Congres u Bah HDR Lyngdoh myntri kam poh iing ka jylla bad u bah Samlin Malangniang MDC hapoh jong ka KHADC jong ka HSPDP.
Katkum ki lad khubor kiba lalah ban ioh la sngewthuh ba ki liang pyrshah ia u Bah HDR Lyngdoh ki kwah ba don ka jingiakhun tang paramarwei hapdeng u MLA bad u MDC na katei ka Constituency. Katkum ka jingkhien la ong ba lada don lai saw ngut ki kyrtong kan eh shibun ban pynliem ia u Bah HDR Lyngdoh na katei ka jaka.
Na ki ar tylli ki seng ba paw ha kane ka jylla ka UDP bad ka HSPDP kila dep don ia ka jingiateh paralok bad la ailad ia ka HSPDP ba kan ia khun ia ka MLA Election na kane ka Sohiong Constituency, ka jingiakren ka dang iaid ruh bad kiwei ki seng sain pyrthei ba lada long kaba lah ba kin ai ka jingkyrshan ia u Bah Samlin jong ka HSPDP ban pynthikna ia ka jingjop.
