Lah ban ujor direk ki nongpyndon kam mobile phone haba jah ka mobile- DoT NE

Shillong, Risaw 06: Da ka jingthmu ban tehlakam ia iew die mobile phone beain bad ka jingtuh mobile phone, ban iada ia ka bha ka miat jong ki briew bad pynsuk ia ki bor kiba don ha ka ain; ka DoT ka la pyntreikam ia ka Central Equipment Identity Registry (CEIR) kaba iasoh bad ka International Mobile Equipment number database jong baroh ki Nongpyniaid ia ki kam mobile.

Ka CEIR kalong kum ka jaka pdeng jong baroh ki network operator ban iasam ia ki tiar mobile ba la jied ha ka black list khnang ba ki tiar ba la blacklist ha kawei ka network kan nym treikam ha kiwei ki network wat lada la pynkylla ia ka Subscriber Identity Module (SIM) card, la ong u Sr DDG DoT NE LSA ha nongbah Shillong mynta ka sngi.

Lyngba ka jingbteng ia ka projek ha hynriew tylli ki jylla jong ka thain shatei lam mih ngi kata ha Arunachal Pradesh, Manipur, Meghalaya, Mizoram, Nagaland, bad Tripura; ki nongpyndon kam mobile mynta, ki lah ban ai jingtip shaphang ka jingshah tuh ka mobile lyngba ka internet ha ka www.ceir.gov.in .

Ki ba pyndon kam phone da kaba phah ia ka jingujor ba jah ka mobile bad ka ID proof lyngba ka bor internet sha ki thanat khnang ban khang ka jingpyndonkam ia ka Mobile jong u/ka ha baroh ka Indian mobile network ha kylleng ka ri.

La sdang ia kane ka kam ha ka sngi Dussera na ka bynta ki briew jong ka thain shateilammihngi (6 tylli ki Jylla) kum ka dak ban iakhun pyrshah ia ka jingsniew. La kynthup ia ki jingpeit bniah bad ki jingdon ha ka system khnang ba tang ki briew kiba don hok ki lah ban rejister ka jingjah ka mobile bad ym kiwei kiwei, la ong u Sr DDG.

Hadien ki bor pulit ki lah ban buddien {ryngkat ka jingtip ia ka jaka} ka jingpyndonkam ia kane ka mobile ba la block lada don ba pyrshang ban pyndonkam ia ka, la ong u Ravi GoelSr DDG NE Shillong.

Kumta ka system kan iarap ia ki bor pulit ban lap ia kane ka mobile ba la jah bad khang lad ia ki kam tuh. Shen yn bteng ia kane ka kam sha ki LEA bad ha man ki hynriew tylli ki jylla ban rejister ia kum kine ki jingtip direk na ki thanat.

Lyngba kane, ki jylla ka thain shateilammihngi ki long katto katne ki jylla ba nyngkong kiba la lah ban pyndonkam ia kum kane ka jingmyntoi, nalor ka Maharashtra, Goa, Delhi bad Karnataka. La pynkhreh ban bteng ia kane sha baroh ki License Service Area jong ka ri.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet