Lah ban wan rah ka JHADC ia ka JSCL Bill, 2018 ha ka dorbar tlang: Madonbai

ShillongMa Modonbai Rymbai, Risaw 22: Ka Jaintia Hills Autonomous District Council, ka dang pynkhreh ia ka Jaintia Hills Autonomous District (Jaintia Social Custom of Lineage) Bill, 2018, ka ban ia syriem ia ka Khasi Social Custom of Lineage amendment Bill 2018.

U Chief Executive Member jong ka Jaintia Hills Autonomous District Council (JHADC) u ma Madonbai Rymbai, u la iathuh ha u SP News Agency, ba ia ka bill ki dang pynkhreh mynta bad lada lah ban pyndep kin wan rah ha kane ka dorbar tlang ban long ha u Naiwieng ban wan.

U Ma Rymbai u la ong ba ki hap ban pule bniah bad pynkhreh bha ia kane ka bill ban peit ba kan nym don kano kano ka jingiatyngkhuh bad ki ain kiba la don. U la ong ba um kwah ban iohi ba lada pass ka iing dorbar ia ka Jaintia Social Custom of Lineage Bill, 2018,kaban shah pynphai noh da u Lat jong ka jylla.

Na ka liang jong u CEM jong ka JHADC u la kren shai ba ka Bill kaba kin sa wanrah kan long kum ka jong ka KHADC, da kaba pynkylla hangne hangtai namae ka riti dustur kadon ka jingiapher bad jong ka KHADC, hynrei ka jingthmu jong ka Bill kan long kum juh.

What Next?

Recent Articles

Leave a Reply

Submit Comment

*