Lah ban weng ia ka AR ha KHADC da la rai ka iing bishar ia ka mukotduma u Bah Latiplang

Shillong, Lber 11: Ka kynhun UDA kala dep ban jied ia u nongialam jong ki ia u bah Titosstarwell Chyne MDC na ka UDP ban ia khun ia ka ilekshon Chief executive Member  hapoh jong ka KHADC ynda la weng ia ka jingsynshar Administrator Rule hapoh jong ka KHADC.

Na ka jingialang kaba la long mynin ka miet ka kynhun UDA kala kam ba ki don haduh 19 ngut ha ka iing dorbar kaba 30 ngut hapoh jong ka KHADC, katkum ka AD Rule jong ka KHADC ka long ba ia u CEM jong ki District Council hap ban jied da ka iing dorbar.

Mynta ka jan miet na ka liang jong ki nongialam ka UDA, u Bah Titosstarwell Chyne, Bah Teinwell Dkhar, Bah Martle Mukhim, Bah Bindo M Lanong bad u bah Pyniaid Sing Syiem kala leit ban ia kynduh ia u Lat jong ka jylla ban pynsngew halor ka jinglong jingman ka sain pyrthie ha KHADC.

Ki lad khubor ki iathuh ban weng ia ka Administrator Rule na KHADC ka shong ha ka sorkar ban ai jingmut sha u Lat jong ka jylla ban weng, ha ka juh ka por ki lad khubor ki ong ba ka sorkar kan weng ha dien ba ka iing bishar kan ai ia ka rai ha kaba ia dei bad ka mukotduma kaba u bah Latiplang Khorkongor u la dep ban mudui ha poh jong ka High Court jong ka jylla Meghalaya.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet