Shillong, Risaw 21: Ki lai ngut ki Executive Member jong ka seng Congress kiba don hapoh jong ka Executive Committee People Democratic Front (PDF) kaba la ialam da u Bah PN Syiem kum u CEM hapoh jong ka KHADC kila hiar shuki noh ha dien b aka seng Congress kala weng noh ia ka jingkyrshan ia ka EC mynta ka sngi.
U Bah Process T Sawkmie u ba bat ia ka kam Deputy CEM hapoh jong ka KHADC, u Bah Jansing M Tynsong, EM bad u Bah Lamphrang Blah EM, kine baroh lai ngut kila hiar shukinoh mynta ka sngi bad ia ki shithi hiar shuki la ai sha ka ophis jong u CEM ka KHADC.
U Bah James Lyngdoh Working President jong ka Congress, haba kren ha u SP News Agency u la pynthikna ba kitei ki lai ngut ki MDC jong ka seng Congress mynta ka sngi kila hiar noh na ka kam Executive Member jong ka Executive Committee kaba la ialam da u Bah Pynshngian.
Haba ia dei bad u Bah Manstudy Nongrem u ba bat ia ka kam Chairman hapoh jong ka KHADC bad iau Bah D Kharwanlang u ba bat ia ka kam Deputy Chairman u la ong ba kine kin dang neh ha ka shuki ba kit bat namar ba ia ki la jied da ka iing dorbar ba ban weng ia ki hap ban leh da ka montion bym don jngshaniah shuh.
