Lait ki briew na ka jingmynsaw ha ka jingpluh iing mynta ka miet ha jan madan Malki

Shillong, Kyllalyngkot 12: Mynta ka miet ha ka por kumba 7.30 baje ei ei kawei ka iing kaba don ha jan madan Malki kala kem ding kynsan bad ha kane ka jingjia ki briew kiba don ha kane ka iing kila ioh ban mih bad kila lait na ka jingmynsaw.

Katkum ka jingiathuh jong ki pulit, la ong na ka liang jong ki kali pynlip ding mar ia ioh jingtip kila poi biang por ha kane ka jaka ban tem ia ka jingklang jong ka ding ba kan nym pur sha kiwei pat ki iing kiba don ha jan, la ong ba kane ka iing kaba pluh kala julor namar ka dei ka iing dieng.

Na ka liang jong ki pulit kila iathuh ba ha kane ka jingpluh ding kam shym don kano kano ka jingjia kaba sngewsih ne ban mynsaw ki briew, hynrei la ong ba kane ka iing kala julor. Na ka liang jong ki pulit kin sa dang tohkit halor kane ka jingjia ban lap ia ka daw jong ka jingkem ding kane ka iing.

 

What Next?

Recent Articles

Leave a Reply

Submit Comment

*