Lakut ka “High level Committee” khlem leh eiei ka sorkar,yn ia khih biang ki nongtrei EMRI: Roypar

Shillong, Nailur 23: Ka “High Level Committee” (HLC) kaba la thaw da ka sorkar ban pynbeit ia ki jingeh ki nongtrei hapoh jong ka EMRI, ha kaba la buh ban weng ia ki jingeh hapoh ka ar bnai, hynrei kane ka jingbuh pork ala kut ha ka 22 tarik mynta u bnai, hynrei kam sorkar kam shym la lah ban leh ei ei.

Haba kren ha ki lad pathai khubor mynta ka sngi, u bah Roypar Kahrrasawai u la iathuh ba ka sorkar jylla bad ka kompeni JVK kaba pyniaid ia ka EMRI ha kane ka jylla Meghalaya ha ka jaka ba kan weng ia ki jingeh jong ki nongtrei kala thombor kylla da kaba khate ia kabai nongtrei.

La iathuh ba naduh ba la thaw ia ka HLC ha ka 22 tarik Naitung 2019, kala don ka jingiakynduh ha ka 25 tarik jong u naitung bad ha dien kata ha ka khot biang ia ka jingialang ha ka 05 Nailar 2019, hynrei ha kane ka jingiakren na ka liang jong ka seng kala dawa ba ka JVK ka dei ban pynshai balei ka khate tulop ia ki 70 ngut ki nongtrei.

Haba pan ia kane ka jingpynshai  na ka liang jong ka Union, ka JVK ha kane ka jingiakynduh kam shym la lah ban pynshai bad ka union kala ong ba lada ka JVK kam lah ban pynshai dei ban buh teng shuwa ia ka jingiakren bad naduh katei ka sngi ka sorkar kam shym la khot ia kren lane weng ia ki jingeh jong ki nongtrei.

La iathuh ba ka sorkar ha ka jaka ba kan weng ia ki jingeh kala ailad shuh shuh ia ka JVK ban thombor ia ki nongtrei da kaba khate tulop ia baroh ki nongtrei kaba dei na ka bynta u bnai Nailar, kane ka jingleh jong ka JVK bad ka jingbym suidniew jong ka sorkar kala dang pynbitar shuh shuh ia ki nongtrei ka EMRI.

La iathuh ruh ba ka JVK ha ka jaka ban weng ia ki jingeh kala thaw pynban ia ka kynhun kiba don 15 ngut ki nongtrei ban leit ban dawa na ka sorkar ba ym dei ban weng ia ka JVK na kane ka jylla Meghalaya, na ka liang jong ka union ka kynnoh ba kane ka jingjia baroh kadei ka jingkuman jong ka sorkar bad ka byndon jingkit khlieh ia ki paidbah kiba don kam ia ka Ambulance 108.

U bah Roypar u la ong ba ka seng kan sa pynbna shen ia ki jingiakhih kiba kham tyngeh kaba lah ban ktah ia ka jingtrei kam jong ka EMRI lada ka sorkar kam lah ban pynbeit ia kane ka jingeh. Na ka liang jong ka union ka dang iai beteng ban dawa na ka sorkar ba ka dei ban pynkut noh ia ka jingtrei kam jong ka JVK ha kane ka jylla bad ka tnad ka koit ka khiah ka dei ban shimti noh ia kane ka kam.

Ka Sabita D Sangma kaba dei na Garo Hills kala iathuh ba kaba sngewsih eh ka long ba ka JVK ka ialeh ba beh ia ki nongtrei jong ka EMRI da kaba pynkynriah kam ia kiba na Garo Hills sha Khasi Hills bad ia kiba na Khasi Hills sha Garo Hills kane ka jingleh ka pynlong ia ki briew ban risain na ka kam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet