Lap ia ikhunlung ba dangkha na khlaw Danagre ha Tura bala thep hapoh synduk kot

Baby abondone in TuraShillong, Risaw 08: Ki nongshong shnong jong ka Danagre kila iohi kawei ka synduk kot kaba la song bha hapog khlaw bad haba ki la leit ban kyndang da ki dieng ia kane ka synduk kot la shem ba hapoh jong kane ka synduk kot la don ia ki khunlung ba dang shu kha.

Na ka liang jong ki paidbah kila pyntip sha ki pulitj ong ka Tura bad na ka liang jong ki pulit kila leit ban shimti ia kane ka met jong I khunlung bad phah banleh ia ka postmortem katkum ki kyndon jong ka ain.

Naka liang jong u heh pulit jong ka West Garo Hills District u la iathuh ba ia kane ka met jong ikhunlung la hap ha ka 6 tarik mynta u bnai na khlaw kaba donha Danagre ha Tura. Na ka liang jong ki pulit ki dang ap ia ka kaiphot jong ka postmortem ban tip la ia ikhunlung la bret ha dien ba la khan ne ila dep iap shuwa ban kha.

La ong ba ka jinglong jong ka met ikhunlung la antad ba ki briew kiba leit ban buh ia kane ka met hapoh ka synduk kot ha katei ka jaka long hapdeng ar lane lai sngi namar ba ka met kala sdang ban jngem. Ki pulit ki dang ap ia ka kaiphot jong ka postmortem ynda kila iohi kin sa wad ia ki briew kiba la leh ia kane ka kam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet