Shillong, Lber 16: Ha ka jan miet jong ka sngi 15 tarik mynta u bnai ki pulit jong ka jylla Assam kila lap ia ka met jong u bah Samuel Mukhim ba la 65 snem u ba dei na ka shnong Jatalong kaba hap ha Block II, na ka jaka kaba la tip kum ka Madan Umwang Block II.
Ki pulit jong ka jylla Assam kiba dei na Karbi Anglong kiba la poi shuwa sha kane ka jaka kila shim ia ka met bad rah sha Baithalongso ban pyndep ia kaba don kamha kaba ia dei bad kane ka jingjia.
Ha ka juh ka por u khun jong u Bah Samuel Mukhin u Bah Hilarius Lyngshing 23 snem u la leit ban ujor sha ki pulit jong ka Mawlasnai ha ka 14 tarik jan miet ba u kpa jong ki u la jah katba u dang wan phai na Madan Umwang sha la shnong ha Jatalong ha ka 15 tarik jan miet, na ka liang jong u khun u suba ba u kpa jong u la shah pyniap ha ki briew kiba ym lah ban tip.
