Lap ka HYC bad HANM ba don 10 tylli ki jaka sain dewiong ha ki thain Shallang

Shillong, Nailur 10: Ki Sengbhalang hapoh  West Khasi Hills District ka Hynniewtrep Youths Council(HYC) ka Hynniewtrep Achick National Movement (HANM) bad  Western Youths Federation(WYF) Sengkmie ha kine ki taiew  ki leit  khang khyrdep ia ki dukan ha iew  Shallang  bad leit jurip  ia ki  karkhana Sain dewiong  kiba don  ha katei thain Shallang ha kaba ki la lap ba ki don kumba 10tylli ki karkhana kumjuh ka jingdon ki bar jylla kiba bylla ha kitei ki karkhana.

Ki Sengbhalang ki la pynpaw ka jingsngewkhia  ia kitei ki jingmih ka jing long  hapoh ka thain te mynta ka  sngi  10th Nailur 2019 kine ki Sengbhalang ki la ioh ban leit ia kynduh ia u Chief Executive Member ka KHADC u Bah Teinwell Dkhar kumjuh ia u Executive Member ka ba dei peit ia ka  Labour Department U Bah Teibor Pathaw bad ia U Executive Member ba dei peit ia ka Trading Licence u Bah Paul Lyngdoh ryngkat ka jingthoh

Ha kane ka jingiakynduh na ka liang jong kitei ki Sengbhalang ki la pynpaw ka jing bynniaw hakhmat jong u CEM ba kumno kitei  Shnong kiba don ha katei ka thain bad ka Hima ki ai NOC ia kine ki karkhana Sain dewiong khlem da wat jingtip bishar bniah ha shwa ban ai NOC namar katkum jinglap jong kine ki Seng I kumba kine kiba ioh NOC kim dei trai jong kine ki karkhana ki  lah ban  dei jongno re re bad kine ki karkhana ki ktah ruh ia ka koit ka khiah jong ki nongshong shnong

La  haduh mynta ki lah don 10tylli hynrei ka KHADC kam don jingtip ei kaba pyn diaw ka dei ka jingioh shong ki dkhar ha kine ki karkhana bad bylla katkum ka Ain jong ka Hima Nongstoin ka ” The Administration of Nongstoin Syiemship Rules 2006” ka ong ha ka No 8  (iii) bynta (a) A dkhar shall have no right to Settle or Cultivate in any part or Village within Syiemship ka mut u dkhar um lah ban shong shnong lane trei bylla hapoh ka Hima Nongstoin.

Katba  kitei ki briew  ki ioh ban shong ha katei ka jaka bad bylla katba mon hangne khlem jingtieng bad kane ka paw ba ka Hima ka pynkhein ia ka ain kaba ka la shna hi . Kumta na ka liang jong u CEM u ong ba un sa shimkhia ia kane ka bynta bad katba na ka liang u Teibor Pathaw uba dei u EM ba dei peit ia ka Labour Department u la kular na hakhmat kine ki Sengbhalang ba hapoh West Khasi Hills District mynta un pynsgeh shwa ban Issue ia ki Labour Licence mynta khamtam ha ki bynta jong ka Shahllang.

Ha ka jingiakren bad u Bah Paul Lyngdoh u EM  ba dei peit ia ka Trading Licence ka KHADC ia ka jing roi ki nongshong dukan beain ha ka Iew Shallang kiba dei ki briew ban a bar na ka liang u Bah Paul ula ong ba ia kane ka bynta ki  don ar bynta ba ka District ka dei ban  kawei ia kito bym don ia ki kot ki sla kiba biang bad ki bym renew shuh ia ki kot ki sla na ka liang jong u la kular hakhmat kine ki Sengbhalang ba un sa  khang noh bad un  nym ailad ba kin ioh ban buh dukan hapoh Shahllang.

 

What Next?

Recent Articles

Leave a Reply

Submit Comment

*