Shillong ,Nailar 17: Wat la ka sorkar ka ju kular ban shim khia na ka bynta ka koit ka khiah jong ki paidbah ha Nongkyndong ban ai ka jingshakri kaba bha tam ha ka liang ka koit ka khiah hynrei kane ka la shu kut tang ha ka jingkular bad kumba long haduh mynta bun na ki jaka ai jingsumar ha ki shnong nongkyndong ka jingeh kaba khraw tam ba ki paidbah ki ïa kynduh mawsiang ka dei haka liang ka koit ka khiah ba kim ïoh ïa ka jingshakri kaba paka ong u samla Hercules Suting.
Ka Seng Hynniewtrep Youth Council,Ri-bhoi District myn haka 16 tarik nailar ha ka jingïalam u Samla Hercules Suting General Secretary HYC Ri-bhoi district ha ryngkat ki dkhot ka district ki la hiar ban leit jurip ïa ka Health Sub Centre kaba don ha ka Shnong Sohphoh, Mawhati Constituency kaba ym pat shem la treikam katkum ka jingiathuh ki paidbah mynta ka la don 5 snem tam ei ei naduh ba ka sorkar ka la dep ban tei.
Ha kaba ïa dei bad ka Health Sub Centre kaba don ha Sohphoh ha ka jingleit jurip ka Seng la lap ba katei ka jaka ai jingsumar ka la kylla tang ka shynrong khlem da lah ban pyntreikam naduh ba la dep ban tei bad ki paidbah ha ka thain sohphoh tang ka jingpang kaba malu mala ruh ki hap ban beh shaduh Mawhati PHC umsning CHC.
kalong kaba ktah shibun eh iaki paidbah kaba shim por da ki kynta khamtam nalor ba sniew ka surok. kumta Seng ka dawa mardor na ka sorkar ba ka dei ban pyntreikam noh ïa katei ka Sub Centre kaba don ha shnong sohphoh, khnang ba ki paidbah kin ïoh shisha ïa ka jingmyntoi da ka jingdon katei ka jaka ai jingsumar ba la wan buh kyrpang da ka sorkar, u la ong u samla Hercules suting .
Shuh shuh, u la ong ruh ba ka seng kan dang ïai bud dien ïa kitei ki jingduna ba don ha kitei ki jaka ai jingsumar bad lada ka sorkar ka dang leh mynthi kum ka seng kam banse ban shim pat da kiwei ki lynti ban pyrshah iaka sorkar na ka bynta ka hok jong ki hajar ngut ki paidbah ha kitei ki thain Nongkyndong la ong ruh wat ïa ki jingpang ba malu mala ruh la hap ban phah sha PHC mawhati bad kumjuh ruh sha Shillong.Ha ka jingshisha jin lada ka sorkar kan shim khia ban plie iaka sub-cenre ki paidbah kila suk bad aram shibun khamtam iaki longing longsem kiba duk kiba raitoi.
