Lap ka KSU 27 tylli ki dukan die sha sha thian Laban ba khlem shim ia ka laisen FSSAI

Shillong, Jymmang 13: Ka Khasi Students’ Union Laban Circle mynta  ka sngi kala leit jurip ia ki dukan bam dukan dihsha kiba don ha Laban, Lumparing, Lumshatsngi bad K.O.R.

Halor ka jingkhuid jingsuba jong kine ki dukan bam hadien ba la ioh jingujor bara bor na ki paidbah ba kine ki dukan ki long kiba torti haduh katta katta bad bun ngut ki ju ioh pang man ka por lada bam na kine ki dukan.

Ha ka jingjurip jong ka seng ia ki 27 tylli ki dukan bam, la lap ba bun na kine ki dukan kim shim don ia ka license na ka FSSAI kaba shah ia ki ban plie bad die ia ki tiar bam bad don katto katne na kine ki dukan ba la lap ba ka jingjaboh ka long ba i shyrkhei haduh katta katta ba ka Seng ka hap ban khang khyrdep shwa ia kine ki dukan kat ba kim pat lah ban pynkhuid kat kum ki kyndon ba la buh ha ka FSSAI.

Kine ki long ka Appayani Tea Stall ha Laban, Babua Tea Stall ha Lumshatsngi, Dada stall ha Red Cross bad Ruma Das Tea Stall ha Laststop. Ka Seng ha kine ki sngi kan phah ruh ia ka report jong ka jingshem jong ka ha kaba iadei bad kane ka jingjurip sha u Food Inspector, FSSAI bad u myntri ba dei peit.

Ka Seng ka kyntu ruh sha baroh ki dukan bam ba kin long kiba leh khuid bad ki tiar bam khang ba ka nym ktah ia ka koit ka khiah jong ki paidbah.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet