Shillong, Naiwieng 27: Ka K
hasi Students’ Union War Jaintia Circle hapoh ka jingialam jong u President Samla Laitphar bad General Secretary Samla Lurman B. Talang ki la leit ban jurip ia ki kot ki sla jong ki trok bar jylla kiba wan kamai kit Mawshun beain
hapoh War Jaintia bad ka Seng ka la lap ba ki don haduh 298 tylli ki trok tang kiba ieng ha u lain ba ki parking shwa ban rung sha Bangladesh ki bym biang ki kot kali bad kiba dei trai da ki bar jylla.
Kane ka jingwan kamai beain da ki bar jylla ha kane ka thain jong ngi kadei ka jingshim kabu ban knieh ia ki lad kamai jakpoh jong ki trai Ri trai muluk bad ka seng hadien ba kala dep jurip ka la ai ka jingmaham ia ki ba kim bit shuh ban kamai kat ym pat lah pynbiang ki kot ki sla kiba biang.
Ka Seng ka maham jur ruh ki nongkhaii ba kim dei ban wanrah da ki trok kiba dei trai da ki bar jylla ban khaii beain bad khwan myntoi ia lade ban kdup ia ki bar jylla bad pynduhnong ia u rit u ria hapoh War Jaintia. Katkum ka jingioh jingtip jong ka Seng ba kine ki trok kidei kiba la shah beh na Majai, Shella, Bholaganj bad kiwei kiwei.
Ka Seng kan ym ailad bad kan ym shong kli kti ba kin ioh ban wan iuh roit ia ka kamai kajih hapoh ka Bri Hynniewtrep. Ka Seng kan sa pynlong biang ka jingleit jurip ha kano kano ka sngi ia kine ki trok bar jylla bad shaduh sha quary bad ia ki bar jylla ba sah beain hapoh u pud u sam jong ka War Jaintia baroh kawei.
Ka KSU War Jaintia Circle ka ai khublei ia ki nongkitkam ba hakhmat jong ka District; President Samla Ohibait Dkhar, General Secretary Samla Albinus Lamurong, Organising Secretary Samla Leningrad Tariang, Narpuh Circle, Khliehriat Circle, Jowai Circle bad Unit bapher bapher jong ka War Jaintia Circle kiba la iadon bad synran lang ha katei ka sngi. Ia kane ka kyrwoh la phah da u General Secretary Samla Lurman B. Talang.
