Shillong, Iaiong 09:Ka KSU Jaintia Hills District Unit ha ryngkat bad ka KSU Khliehriat Circle ha ka jingiadonlang u samla Ohibait Dkhar President KSU Jaintia Hills District samla S S Niangti President KSU Khliehriat Circle bad samla Morningstar Pasi dkhot jong ka KSU Jowai Circle ki la leit jurip ia ka office treikam jong ka Khliehriat Town Committee kaba don ha Khliehriat West kaba hap hapoh ka East Jaintia Hills District.
Ka seng ha kane ka jingleit jurip la lap ba ia ka office kaba don ia ka building kaba paka kala kylla long kum ka jaka sah jong ki mrad, ha ka jingiadei bad ki kali kiba don artylli kiba dei ban kit ia ki niut hapoh ka shnong la shu pynieng khlem da pyndonkam tad haduh ba kila dap sarang lut bad kim long shuh ban pyntreikam bad kila kylla long pat ki jaka bret nuit jong ki riew paitbah.
ka seng hadien ba kala ioh lad ban ia kren ia ki katto katne ngut ki riew rangbah na kane ka thain ha ka jingiadei bad kane ka bynta la sngewthuh ba ka daw ka long ba baroh ki nongtrei jong kane ka office la kumba shi snem ne tam ei ei ki khlem ioh ia tulop na ka sorkar lyngba ka District Council bad wat ki officer kiba dei peit ia kane ka Town Committe ruh kim don shuh.
Ka seng da ka mynsiem ba sngewkhia bad sngewbitar ba ka sorkar ka khlem da pyndankam ia kine ki mar na ka bynta ka khuid ka suba jong ka shnong baroh kawei kumta ka seng ka dawa mardor ia ka Jaintia Hills Autonomous District Council JHADC ryngakt bad kiwei de ki bor ba dei peit ba ki dei ban shim khia ban pyntreikam biang ia kane ka office.
Na ka liang jong ka KSU ka kyntu ban siew dep ia ka tulop kaba dang sah jong baroh ki nongtrei kaba ki dei ban ioh ne ki shu hun ba ka khliehriat kaba dei ka head quarter jong ka East Jaintia Hills District kan long ka Town kaba jakhlia tam ne shu hun mo ba ia ki nuit hap ban shu bret pathar ha lynti iaid ne ha ki surok la ong i samla SS Niangti President KSU khliehriat Circle
U samla Ohibait Dkhar President jong ka KSU Jaintia Hills District u la ong ba ka council ryngkat bad ka Municipal Board kidei shim khia ia kane ka kam bad ban pynkloi katba lah bad lada ka sorkar hi kam leh ei ei halor kane ka seng kam shong kli kti bad kam hun ban shu peit kai khamtam ha ka jingiadei bad ka khuid ka suba bad shuh shuh ka seng ha kine ki sngi ki ban wan kan sa leit ban ia kynduh ia kibor ba dei peit ia kane ka kam ban pan ia ka jingpynshai bad ban dawa mardor ban pyntreikam shi syndon, te lada kim lah ban shimkhia ka seng kam banse ban pynrkhat ban iaid da kiwei pat ki lynti.
