Shillong, Nailur 30: Ka KSU Lawbah Border Area Circle hapoh ka jingialam jong u samla Samborlang Shabong, President jongka seng hynne ka sngi 30/09/2019 ka la leit ban jurip ia kane ka CHC
kaba don ha Mawsynram.
Kane ka jingleit jurip jongka seng ka long hadien ba ka la iohsngew iaka jingud jingnam jongki paitbah jongka thain kiba ju wan shim dawai bad kiba ju wan Thiah pang hapoh kane ka CHC halor ka jingbret pathar iaki niut hapoh ka Compound kaba kum ki paitbah ki la sngewsheptieng ioh ha ka jaka ban pynkoit iaki nongwanshim dawai bad ki nongwanthiah pang kan nang pynsniew pynban arshah lai shah.
Ha kane ka jingleit jurip jongngi, Ngi la lap ba ka long kaba shisha kumba ka seng ka la ioh iaka jingujor. Ngi la lap ba kane ka CHC ka la bret pathar iaki jaboh ba mih na Kane ka jaka sumar pang hapoh compound hi naduh ki plastik, ki song dawai bad kiwei kiwei.
Ym tang katta ka seng ka la lap ruh ba iaki lyngkhot tiar ai injek bad ki bilor dawai injek ba la dep pyndonkam la shu bret bad buh pathar hapoh jongka kamra ba dei ban buh metiap.
Kane ka rukom bret niut pathar bad bret kulmar iaki jaboh napoh ka CHC ka long kumba ai injek virus pynban iaki nongpang ba haka jaka ba kin wan ban koit ka lah ban long pynban ka jingma iaka jingim jongki lada ym lah ban leheiei.
Ha kane ka sngi, ka kynhun jongka seng ka la leit ban iakynduh ruh ia u Doctor Incharge jong kane ka CHC u Dr. N. Diengdoh ha kaba u la iathuh ba na ka liang jongu u la dep pyntip ia ka jingbymdon jongka jaka ban bret niut napoh ka CHC sha ki bor ba hakhlieh jongka Health Department bad pan ruh iaka jaka theh niut ba paka hynrei ka jingbymlah jongka tnad ban leh ia kaba donkam kim banse ban shu buh kumta hapoh jongka Compound.
Ka seng namar kata ka kyntu ia u MLA bad MDC kiba dei ki trai shnong ba ki dei ban shimkhia halor kane ka mat namar kam don jingmut ban iakren iaka roi ka par lada ki klet ban shimkhia iaka koit ka khiah jongki paitbah ka Thain.
Ka KSU ka dawa ruh naka Health Department ba kan pynbeit kloi halor kane ka bynta khnang ba kane ka CHC kan ioh ban ai iaka jingsumar ba paka iaki paitbah ka thain.
Ka seng ruh shen kan sa shong pyrkhat halor kane ka kam bad ban leh da kaba tyngeh lada ki nongmihkhmat bad ka tnad Health Department kam weng mardor ia kane ka jingeh jongki paitbah ka thain Mawsynram. Kane ka long ka kyrwoh na u samla Samborlang Shabong, President, KSU Lawbah Border Area Circle.
