Shillong, Jymmang 15: U Symbut Myntri Rangbah ka jylla u bah Prestone Tynsong u la iathuh ba ki la don haduh 400 ngut kiba la wan phai iing kiba la pynkhien ia ki kyndon jong ka Quarantine bad ka sorkar kala mana ia ki halor kane ka jingleh jong ki ba ki mih sha bar na ki iing ki sem.
Haba ia dei bad kane ka jingmih jong kito kiba wan phai iing na ka liang jong ki briew ka tnad ka koit ka khiah kila leit ban ia kynduh ki bor shnong bad kiba ha iing ha sem jong ki ban pynsngewthuh ia ki bad baroh kila ai ka jingkular ban kin nym mih shuh katba kam pat kut ka por ba la buh.
U bah Prestone u la iathuh ba na ka bynta kito kiba wan phai na ki jylla jong ka dong shatei lam mih ngi jong ka Ri India ka Home Quarantine ka long 14 sngi kaba ki hap ban but ryntih bad na ka bynta kito kiba wan na shabar jong ka North East ki hap ban but pyrkhing bha 14 sngi bad 14 sngi ki hap ban leh hi bad baroh ka long 28 sngi.
La iathuh ba na ka liang jong ka Health Team ka tnad ka koit ka khiah ki bud dien ia baroh kiba la wan phai sha la ki jong ki jong ki shnong bad ka jinglap ia kine ki 400 ngut ba ki pynkhein ia ki kyndon jong ka quarantine ka dei lyngba ki kor ki bor kiba ka tnad ka koit ka khiah ka pyndon kam ban bud dien ia ki.
