Nongstoin, Iaiong 18: Ki khynnah ap masi na ka shnong Mawrusyiar kaba hap hapoh jong ka Nongstoin police Station kila lap ar tylli ki met iap na kawei ka khlaw kaba don kham pajih na ka shnong.
Katkum ka jingtip kaba la lah ban ioh la iathuh ba ha dien ba kine ki khynnah kila lap ia kine ki ar tylli ki met iap kila pyntip mar dor sha ki pulit jong ka Nongstoin bad mar ia tip ia kane ki pulit ruh khlem da pynslem kila poi ha katei ka jaka.
U Superintendent jong ki pulit jong ka West Khasi Hills u Bah GD KHarwanlang, u la iathuh ba ka dei ka jingshisha ba la lap ia ki ar tylli ki met iap na kawei ka khlaw ha jan jong ka shnong Mawrusyiar, kawei ka dei jong shynrang bad kawei ka dei jong ka kynthei.Na ka liang jong ki pulit ki dang pynlong ia ka jingtohkit ban lap ia ka daw ba balei kine ki ar ngut ki poi iap sha katei ka jaka.
