Lap ki pulit ba sdien phasi u wei u nongtrei ka “Company PL Traders Agency”

Shillong, Iaiong 22: Mynta ka sngi ki pulit kila ioh jingtip ba u wei u briew u la sdien phasi ia lade ha kudam jong ka “Company PL Traders Agency kaba don ha ktem ki CrPF ha jingkieng Mawlai.

Katkum ka khubor kaba la ioh la iathuh ba ka kyrteng jong une u  ba la sdien phasi ia lade ha katei ka jaka buh tiar jong katei ka Kompeni la tip kyrteng kum u Sunil Sarswat u ba dang 35 snem ka rta u ba dei na ka jylla Rajasthan.

Katkum ki khubor kiba la ioh na ki pulit la iathuh ba ia kane ka jinglap ia ka met jong u la lap da ki briew kiba ia trei lang ha kane ka company ha ka por kumba  9.30 baje mynstep.

Na ka liang jong ki pulit mar ia ioh ia kane ka jingtip kila leit sha katei ka jaka bad kila pynhiar ia ka met jong u bad rah sha Civil Hospital ban leh ia kaba don kam. Na ka liang jong ki pulit jong ka Lumdiengjri police Station kila pynlong ia ka jingtohkit ban lap ia ka jingshisha ha kaba ia dei bad kane ka jingjia.

 

What Next?

Recent Articles

Leave a Reply

Submit Comment

*