Shillong, Iaiong 29: U Superintendent jong ki pulit ka East Garo Hills u Ringrang TG Momin u la iathuh ba mynta ka sngi ki pulit kila lap ia ka suloi Machine Gun 7.72 kaba pyndon kam u nongialam jong ka seng GNLA u Sohan D Shira na ki bynta jong ka Rongtingre.
Laiathuh ruh ba na ki bynta bapher bapher jong katei ka juh ka jaka la lap ar tylli ki suloi SBBL bad ar tylli ki Shot Gun bad shibun kiwei ki tiar ialeh. Na ka liang jong ki pulit ki dang shen ruh kila ioh kurup bun ki tiar ialeh jong ka seng GNLA.
Na ka liang jong ki pulit kila ong ba ia kane ka Machine Gun 7.62 ka dei kaba pyndon kam tang u Sohra D Shira bad la juh iohi ia kane ka suloi ha ki dur kiba juh paw ha ki social media ba u rah ia kane ka suloi.
