Lap la Childline ia ka khynnah 5 snem na Nongthymmai pat tip ia kiba ha iing

Shillong, Risaw 30: Ka Child Welfare Committee (CWC) jong ka East Khasi Hills kala pyntip paidbah ba ka Childline kala lap ia I wei I khynnah ba la tip kyrteng kum ka Esha kaba dang san snem ka rta na Nongthymmai Nongshilliang, Lapalang naduh ka 26 tarik u Nohprah 2017.

Kane ka khynnah ka don hapoh ka jingpeit bad jingiada jong ka sorkar jylla, ha ka jaka sah jong ki khynnah kaba la buh kyrpang da ka sorkar. Na ka liang jong ki pulit ka Nongmynsong kila pyrshang ban wad ia kiba ha iing ha sem jong kane ka khynnah hynrei haduh mynta ym shym la lap ia ki.

Na ka liang jong ka CWC jong ka East Khasi Hills ka kyntu ba lada don kiba ha iing ha sem kiba tip ia kane kin sngewbha ban ia kynduh iaki briew jong ka CHILDLINE da kaba phone ha u number 1098. Kiba ha iing ha sem ki dei ban wan kam ia kane ka khynnah hapoh ar bnai, lem kumta kin ai noh na ka bynta ban tiengkhun.

Kiba ha iing ha sem ki dei ban ia kynduh ia ki briew jong ka District Child Protection Union, lane iaka Child Welfare Committee, ka ophis jong kine baroh ar ki don ha Lower Lachumiere, Shillong.

What Next?

Recent Articles

Leave a Reply

Submit Comment

*