Lathaw ia ka AMCPC ban ia peit lem ia ka jingeh ki paidbah ka thain Mawsynram

Shillong, Jylliew 13: Ha ka jingiakynduh jong ki rangsamla jong ka thain Mawsynram kaba la long ha kine ki sngi ha Shillong kila ia rai ban thaw ia ka “All Mawsynram Constituency People’s Conference” (AMCPC).

Ka jingthaw ia kane ka AMCPC ka long ban ia kren halor ka jingeh jong ki paidbah ka thain ha kaba ia dei bad ka rep ka riang, ka pule puthi, ka koit ka khiah, ka Umbam umdih, ki lynti syngkieng bad ki surok bad kum juh ki kam jngohkai pyrthei kaba ka thain ka don ia kaba ym pat lah ban khring ia ki briew ban jngohkai ia katei ka thain.

Ha ka  jingiakynduh lang jong ki samla kiba la ia poi na kylleng  ki shnong jong ka Mawsynram Konstitwensi. Ha kane kajingialang kila ia rai ban ia tynrong lem ia ka khia ka shon jong ka thain Mawsynram la thaw iaka AMCPC.  Ha kane ka jingialang la jied ia u Bah Gilbert G Kharraswai ban long u president bad ia u SC Sangma kum u General Secretary bad ki nongkit kam baroh ki long 80 ngut.

U Bah Kharrasawai u la ong ba ka jingthaw ia ka AMCPC ka long ban ia peitlem ia ka jingeh ka thain kaba dang sah dien ha kiba bun ki liang ha ki kam pynroi. Ka kam jong kane ka kynhun ka long ban leit ban ia kynduh ia ki bor sorkar naduh ki myntri sorkar haduh ki ophisar ban ia kren ia ki kam pynroi na ka bynta ka thain bad ban pynsngew ha ki ia ka jingeh ka thain namar la don kam kyrkieh ia ka sorkar ba kan phai ki khmat jong ka sha ka Mawsynram, la long u Bah G Kharrasawai ha ka khubor kaba la pynlait mynta ka sngi.

 

 

What Next?

Recent Articles

Leave a Reply

Submit Comment

*