Leh burom ki BSF ia ki 370 ngut riew shlur kiba la aiti ia la ka jingim namar ka Ri

The BSFShillong, Risaw 21: Mynta ka sngi ki shipai BSF kiba dei na ka Meghalaya Frontier kila pyndon burom ha kane ka sngi burom kyrpang ia kaba la tip kum ka “Police Commemoration Day – 2017”. Ha une u snem 2017 ki briew kiba don ha uniphom kiba la aiti ia la ka jong ka jingim ha kaba shakri ia ka Ri ki long haduh 370 ngut.

Kine ki 370 ngut, ki long ki kynhun shipai na ka BSF ki long 54 ngut,  bad ar ngut ki dei ki pulit jong ka jylla Meghalaya kiba la aiti ia la ka jingim ha kaba pyndep ia ka kam kaba la bynshed ha ki bad kiwei ki dei na kiwei kiwei ki kynhun shipai jong ka Ri.

U Dr Sabu A Joseph, Dy Inspector General/PSO, Meghalaya Frontier lem bad ka kynhun shipai jong ki BSF kila pynlong ia ka jingsngap jar kaba ar minit ha kane ka sngi ban burom ia kine ki riewshlur kiba la aiti ia ka jingim namar ka Ri. Ha kane ka sngi la pule ruh ia ki kyrteng jong baroh 370 ngut kiba la aiti ia la ka jingim ha kaba shakri ia ka Ri.

 

Ia kane ka sngi “Police Commemoration Day” la pynlong ha ka 21 tarik Risaw naduh u snem 1959 ban kynmaw burom ia ki 10 ngut ki CRPF kiba la duh ia la ka jingim ban iada ia ka Ri  ha Hot Spring Post ha  Ladakh ha khappud Indo-China border. Naduh katei ka snem la buh kyrpang ia kane ka sngi ban kynmaw burom ia briew kiba don ha ka Uniphom kiba la aiti ia la ka jong ka jingim namar ka Ri. Ha kane ka sngi u Dr Sabu A Joseph, Dy Inspector General/PSO u la buh ia u syntiew ha u mot ba la shna kyrpang na ka bynta kane ka jingleh burom.

 

 

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet