Leh bym patiaw ka sorkar jylla ia ki LCS ha ka Khasi Hills bad ka Bangladesh

Shillong, Naiwieng 11: Ka sorkar Meghalaya haduh mynta kam pat phai khmat sha ki Land Custom Station (LCS) ha ki bynta jong ka Khasi kiba don bad ka Bangladesh. Ha Khasi Hills ki LCS ki don saw tylli, ka Bagli bad ka Borsora ki hap ha South West Khasi Hills District hapoh ka jingpeit jong ka Borosra LCS, katba ka Shella LCS bad ka Majai LCS ki hap ha ka jingpeit jong ka Shella LCS.

Kine ki dei ki kad ia khaii na kane ka jylla Meghalaya bad ka Bangladesh ia kaba la tip kum ki Export point. Hynrei ka jingsniew ki surok ha kine ki kad khaii kiba don kam tam ka long sha ba palat bad na ka liang jong ka sorkar jylla kam shym la shim khi ei ei ban ia kren bad ka Ministry  Commerce bad ka Ministry Foreign Trade jong ka sorkar pdeng ban pynbha ia ki surok.

Na kitei ki saw tylli ki kad khaii lai tylli ki dei kiba lah ban rung da ka kali sha Bangladesh bad kita ki long ka Bagli, Borsora bad ka Majai katba ka Shella bad ka Beltoli haduh mynta dei lyngba ki lieng kynda namar ka dei lyngba jong ka Wah Shella.

Katba ka sorkar pdeng ka pynshlur ia ka jingiakhaii bar ki bar Ri bad ka jylla Meghalaya ka dei ka jylla kaba suk tam ban ia khaii bad ka Bangladesh, hynrei kane ka kam khaii bad ka Bangladesh kaba wan rah ia ka pisa da ka Dollars ka sorkar jylla kam shym la shim khia ban pynbha ia ki bad ka jingsniew jong ki surok ka long sha ba palat, lait noh ka Dawki ha West Jiantia Hills District ia kaba la tip kum ka Tamabil LCS.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet