Shillong, Kyllalyngkot 04: U State General Secretary ka BJP U Bah Bashailang Khongwir u la pynrem jur ia u Dr Mukul Sangma bad ka sorkar Congress ha ka jingialang paidbah mynta ka sngi ha Patharkhmah ia ka jingleh donbor jong u ba u la plie ia ka Umtrew Hydro project khlem da siew ia ka bai jaka sha ki trai.
U bah Banshailang u la kynnoh ba kane ka pynpaw shai ia ka jingleh donbor bad iuhroit jong u Dr. Mukul Sangma ia ka hok longtrai. Kum kane ka sorkar ka don hok ban dang synshar ha kane ka jylla la ong u tei u nongialam jong ka seng BJP.