Jowai, Nailar 10: Ka Khasi Student Union Namdong Unit mynta ka sngi ka 10tarik Nailar 2020 kala leit ai mynsiem ia 6 ngut ki paradoh parasnam ba sah Quarantine bad ka seng ka la ioh ruh ban ai jingiarap shi byrni u khaw sha kine ki 6ngut kiba sah quarantine ha Mukhnang SSA LP School West Jaintia Hills District .
Iaka kynhun la ialam da u President ka KSU Namdong unit u samla Chanbor War bad ha ka jingiadon lang u General Secretary u samla Juhhi Tariang bad katto katne ki dkhot jong ka Unit.
Ka seng ka pynpaw ruh iaka jing sngewnguh ia ka Village Organization (V.O) jong ka Mukhnang village ba ki la iadon bynta lang haka ban ai jingiarap kylluid mynsiem da ki marbam bad ai mynsiem ruh ia kitei kiba sah quarantine ha kane ka shnong .
Ka jingthmu jong ka seng ban leit jngoh ka long kum shi bynta ban kyrshang lem iaki kat bah lah ha i bor barit bad haka jingduna kiba bun, kane ka long kum shibynta ban ai mynsiem bad kyrshan lem iaki paradoh para snam ba ha kum kane kin nym dei ba sngew nongwei hynrei ka Seng ka ai mynsiem iaki hynrei kane ka jong shong Quarantine jong ki ka ai mynsiem bad ka long ruh ka nuksa ka ba bha na bynta ka Shnong ka thaw, ka dong ka thain bad ka Ri hi broh kawei ka Seng ka kyrpad ruh iaki paradoh para snam ba kin dei ban niew bein iaki ha kum kane ka por, pynkut u kyrwoh na u Publicity Secretary ka seng U Samla Barrister Kyndait.
Hakawei pat ka Khubor, ka KSU Bamkamar Unit myn haka 9 tarik u Nailar 2020 ka la leit ban jngoh ia ki ba sah Quarantine hapoh ka shnong haka Jingialam Jong ki katto katne ki nongialam khmat katei ka Unit Kum u Elmiki Lynshiang u ba dei u President, u Francis Suting u ba dei u Genera secretary , u Rablin Rynjah u ba dei u Publicity Secretary, ka Tiewmon Suting ba dei ka Education secretary ha ryngkat ka jingiadonlang jong baroh ki dkhot jong katei ka Unit da Kaba bud ryntih ia ki Protocol jong ka sorkar ba la shim ban pynjngai Iwei na Iwei pat.
Ha kane ka jingleit jngoh, na ka liang jong ka Seng ka la ai sngewbha ruh Sha ki ba sah hangtei da u khaw ryngkat bad ka song Pisa Kum ka Jingaisngewbha bad ai mynsiem ia ki ba kimdei ban sngew marwei ha ba ki sah ha katei ka jaka.
Ka Seng ka bthah ruh ia ki ba kin sngewbha ban bud ryntih ia ki jingbthah jong ka shnong da ka ba bud ryntih ia ki jingbthah napoh ka Health Department.
