Shillong, Naitung 20: U Lieutenant General DS Ahuja, General Officer Commanding, 101 Area, mynta ka sngi u la leit ban ai ia ka Cheques ba T. 75 Lakh kum ka jingiarap na ki shipai sha kiba ha iing ha sem jong u Major David Manlun ha Shillong. Ia kane ka jingai la leit ban ai ha iing jong ki ha Happy Valley.
U Major David Manlun, 32 snem,u dei u khun jong u Subedar M Khamzalam u shipai ba la shong thiat na ka 1st Battalion jong ka Naga Regiment hau snem 2010. Ia u Major Manlun la phah sha ka jylla Nagaland hapoh jong ka 164 Inf Bn TA (NAGA) ha u snem 2014. U Major Manlun, u la aiti ia la ka jong ka jingim na ka bynta jong ka Ri ha ka jingiakhun bad ki lehnoh ULFA(I) ha ka 6th Jylliew 2017 ha poh Mon district jong ka jylla Nagaland khap bad ka Ri Myanmar.
U ne u shipai ba la aiti iala ka jong ka jingim na ka bynta ban ia da ia ka ri, u la ieh sha dien ia lain gut ki para bad ki kmie ki kpa. Ia ka pisa kaba dang sah kaba T.40 lak kaba dei na ka sorkar pdeng kum ka jingiarap ia kiba la aiti ia lade na ka bynta ka Ri bad ka jingai na ka sorkar jylla kaba T.7.5 lak ruh mynta kila sdang ban pyniaid ia kane ka kam bad mar ia ioh kin sa pynlait noh.
