Shillong, Kyllalyngkot 14: U Bah Gasper Jones Hynniewta u ba niah kali Toursit na Shillong sha Guwahati ha ka miet sngi thohdieng u la leit ban aiti sha ki pulit jong ka Mawlai Police Station ar ngut ki khynnah kynthei ha dien ba kim treh ban hiar na kali wat la baroh ki nongshong kali kila dep ban hiar. Kine ki khynnah ki dang don hapdeng ka rta kaba 13 snem.
U Bah ba niah ia ka Tourist Taxi u la iathuh ba kine ki ar ngut ki khynnah kynthei kila kiew kali na Khanapara ha ka por ba u wan phai na Guwahati, haba la poi ha Mawiong baroh kila ia hiar na kali lait noh kine ki ar ngut. Na ka liang jong u um don lad da kumwei u la leit ban aiti sha ki pulit.
Haba ki pulit kila kylli bad tohkit na kine ki khynnah kynthei ar ngut, kila phla ba kala don ka jingiamai bad kiba ha iing ha bad kila mih noh na ka iing . Na ka liang jong ki pulit jong ka Mawlai kila shimti ia kine ki khynnah kila phah exsamin sha ki doktor bad ha dien kata kila aiti sha ka jaka sah ki khynnah ha ka sngi Saitjain kaba bud.
