Jowai, Nohprah 30: Ka JSU Central body mynta ka sngi hapoh ka jingialam u President ka seng u Lawyerson War bad u General Secretary ka seng u Jersom Shylla ha ka jingiadonlang U President ka Shillong circle u Treiborlang R Suchen bad u President ka Jowai Circle u Neal Jordan Rymbai u President ka War Circle U Eddy Kerry Pohtam.
Ha kane ka sngi ki dkhot ka seng ki la leit buh syntiew ha u Mot Kiang Nangbah badon ha Iongpiah Jowai bad ha u Mot Sahnam jong u Woh Kiang Nangbah badon ha Syntu Ksiar kum ka dak ka jingkynmaw bad burom ia ka sngi lyngkhuh sngi iap u Woh Kiang Nangbah kaba la la kot sha ka 157 snem.
U President Rangbah jong ka seng JSU U Samla Lawyerson War u lah ong ba ka jing kynmaw lyngkhuh sngi iap kaba 157 snem jong u khla wait ka Ri u Woh Kiang Nangbah kan long ruh ka jing kyrsiew thiah ia ki Para Ri ba kin len lade na bynta ban iada ia ka Ri khamtam ha kane ka por ba ka jaidbynriew ka shah nion beiñ ha ka Sorkar India da ki ain iakjakor kiba lai phew jaid ban iuh roit ia ka hok long trai ha la Ri la jong.
Ha shuwa ban buh ia ki syntiew ha U Mot sah kynmaw ha Syntu Ksiar jong u woh Kiang Nangbah lah buh da ka jingduwai kaba jar jar.Ka Seng ka burom shikatdei eh ia u ne u riewkhraw bad u nongialeh laitlud ka ri jong ngi uba len ialade ban ai ka jingim na ka bynta ka ri bad ka jaidbynriew jong ngi da ka ba u la shah sdien pasi ha u snem 1862 ha ka sorkar Phareng ha Iawmusiang.
Ha kawei ka bynta ka JSU Khliehriat circle hapoh ka jingialam u President U Livingson Sama bad u General Secretary U Emanuel Bhoi ki la leit buh syntiew ha u Mot Sahnam jong U Woh Kiang Nangbah uba don ha Khliehriat ha New Deputy Commissioner Office. Kane ka dei ka khubor bala phah da u Publicity Secretary ka seng U Tricky Mukhim.
