Tura, Naitung 30: Ka kynhun kaba 13 ngut jong ki dkhot ka Garo Hills State Movement Committee (GHSMC) hapoh ka jingialam jong u president u Nikman Ch Marak bad u Dy CEM ba mynshuwa jong ka GHADC u Augustine Marak kin mih na Tura la shai ka sngi ban leit sha Delhi ban leit ai ia ka dorkhas sha u myntri rangbah duh jong ka Ri India u Narendra Modi na ka bynta ban dawa ia ka Garoland.
Haba u SP News Agency u la ia kren bad u Augustine Marak, u wei na ki nongialam ha kane ka Garo Hills State Movement Committee, ban dawa ia ka Garoland, u la ong ba ka dei ka jingshisha ba la shai ka sngi kin leit sha Delhi ban leit ai ia ka dorkhas sha u myntri rangbah duh jong ka Ri ban dawa ia ka Garoland.
Haba la kylli hato kila buh tarik ne em ba kin ia kynduh, la ong ba kin da la poi ha Delhi kin sa tip ia ka por bad ka sngi lano ba kin ia kynduh hynrei la ong ba kin ioh ban ia kynduh ba kin ai ia ka dorkhas ban dawa jylla la ka jong. Kane ka kynhun kaba khatlai ngut kan mih la shai ka sngi na Tura.
