Leit ia kynduh ka KSU jong ka JHADC ia u DC ka WJH District halor ki “Entry bad Exit Point”

Shillong, Jylliew 19: Ka Khasi Students Union Jaintia Hills District Unit mynhynne ka sngi ka la leit ia kynduh ia u DC ka West Jaintia Hills District u  Ma Garod LSN Dykes hapoh ka jingialam jong u General Secretary Samla Garland S Manner bad u Samla Shaniahskhem Dkhar Asst Finance Secretary bad kiwei kiwei ki nongialam ka Seng.

Kane ka jingleit kynduh ka Seng Ia U DC kadei halor ka Nongrim ban pynkynmaw biang ia u DC halor ka Entry bad Exit Point kaba don ha shnong Saphai bad Khanduli West Jaintia Hills bad ruh han pan jingpynshai halor ka jingiaid shaphrang ka kam kaba iadei bad ka Entry and Exit Point hapoh West Jaintia Hills

Haba pan jingpynshai na u tei u Khliehduh jong ka District, u la ong ba naka liang jong u, u la dep pynbeit ban ia shong meeting bad ka District Task Force bad kiwei ki Department ki ba dei peit ia kane ka kam haka 3/07/2019 naka bynta ban iakren iakatei ka phang.

U DC ula ong ruh ba u dang shu wan Join trei dang ha kine ki shi sngi ar sngi kumta um pat lah ban peit ia ki File kiba iadei bad katei ka kam nakata ka daw um pat lah ban batai bniah bha na haduh katno ka kam ka lah iaid shakhmat hynrei hadien ka 3 tarik un sa lah ban batai kham shai iaka jong iaid beit ka kam.

Ha kaba iadei bad ka jingthmu tei iaka Entry and Exit points ha Khanduli, naka liang u DC ula ong ba ka kam ka ladep nadong shadong khamtam iaka Jaka, hynrei kaba sah dei sa tang naka Tourism Department.

Katba ka Saphai pat  ula ong  ba iaka  Jingpynsngew Paidbah (Public Hearing )  lahdep pyllong hakatei ka shnong bad naka liang ki Nongshong shnong ruh ki la pdiang bad mynjur ban tei iaka Entry and Exit Point, hynrei ka ba dan sah ka long satang ka jingia pynbeit bad ki trai jaka.

Naka liang u Samla Shaniah Dkhar  ula ong ba ” Ngi banjur iaka Sorkar ba ka dei ban pynstet iaka kam hakaba iadei bad ka jingtei iaka Entry and Exit Point khnang ba ka jingthmu tehlakam iaka jingwantuid ki mynder yn lah ban sdang noh mar mar”.

” ka sorkar kam dei ban pyllut kai iaka por, namar kat dang slem, katta dang jur ka jingwan tuid ki mynder sha poh ka jylla ka jong ngi” la ong u samla Shaniah Dkhar.

” man ka sngi ki wan tuid shapoh ka Ri Khasi daki spah spah ngut na kylleng ki jaka bad ki lad, kumta ka donkam kloi ban pynstet iaka jingtei iaka khyrdop ban khynra mynder ” ula bynrap shuh shuh.

Ka Seng ka la rai ruh ban buddien biang khah khah ia katei ka kam khamtam hadien ba ladep ka jingialang kaba la thmu ban pyllong haka 3/7/2019   iakaba la pynbeit hapdeng u DC bad ki tnad Sorkar baroh kiba don hapoh West Jaintia Hills.

“Ngi khmihlynti ba ka Sorkar ban ialeh ban pynstet kloi katba lah iakatei ka kam bad ngi banjur ruh ia u DC ban pynstet klo ikatba lah” la ong u samla Shaniah Dkhar.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet