Shillong, Jylliew 06: Ki paidbah mynta ka sngi kila ia leit sha iew sha hat ban ia leit thied leit por ha ki por ba ka sorkar kala pynlait ia ka Curfew mynta ka sngi ha ki bynta jong ka Lumdiengjri Police Station naduh ka por 7 baje mynstep haduh ka por 12 baje shiteng sngi.
Ha kine ki kynta ba la pynlait ia ka curfew kala iaid beit ha kaba ki paidbah da ka jingsuk mynsiem kila leit ban leit siew leit tda khamtam hapoh Iewduh bad ki paidbah kila ia mih da ka jingsngew shngian khlem da don kano kano ka jingsngewsyier.
Ha kine ki par ba pynlait Curfew, na ka liang jong ka sorkar ruh kala pynkhlain ia ki bor pahra ha ki bynta jong ka Motphran kaba la shah ktah jur ha kine ki jingiakhih kaba la long ha kine ki sngi ban peit ba kane ka jingpynlait ia ka Curfew kan nym don kano kano ka jingjia.
