Shillong, K.Lyngkot 31: Mynta ka sngi u bah Adelbert Nongrum MLA jong ka 17-Shillong North mynta ka sngi kum u MLA jong kane ka jaka u leit ban jngoh ia katei ka jaka ba la shah pynbthei bom ha Police Bazar.
Haba kren ha ki lat pathai khubor u MLA jong kane ka jaka u bah Adelbert u la ong ba ki pulit ki dei ban long kiba peitngor bad kin hap ban pynkhlain ha kiba bun ki liang ba kum kine ki jingjia kin nym jia na ka por sha ka por, namar kane ka khlam COVID-19 kala ktah ia ka ioh ka jong ki paidbah.
U Bah Adelbert u al ong ba lada ki nud ban leh ia kum kine ki kam sniew ka long kumba ki leh ia ki riew paidbah, la ong ba lada dei ki kynhun ne ki riew shimet ki dei ban wan sha khmat ban pynpaw ia kaei kaba ki don ban kren namar kum ka jylla ka don kam ia ka jingsuk.
U Bah Adelbert u la ong ba kum u nongmih khmat paidbah un kren ia kaba dei ban kren ban iada ia ki paidbah bad u don ka jingshaniah ha ka tnad pulit ba kin leh ia kaba don kam bad ba kin pyni ba ki lah ha ka kam kaba ki trei ban ai ka jingiada ha ka jylla hi baroh kawei.
Ka jingleit ka jong u ha kane ka jaka ba shah pynbthei bom ka long ban ai mynsiem ia ki paidbah nongshong shnong ha katei ka jaka bad kila juh don ki jingpyrshang ban pynbthei bom bad na ka liang jong u MLA u la kyntu ba ki dei ban sangeh noh ia kum kine ki jingleh bad kane ka dei ka kam khawpud.
