Leit jngoh u BDO Mairang ia ka Sanitary Complex ka Khadsawphra College Mairang

Shillong, Jymmang 24: u BaBah V Swerh V Swer  MCS, u ba dei u BDO jong ka Mairang C&RD Block mynta ka sngi u la leit ban jngoh ia ka Sanitary Complex hapoh jong ka Khadsawphra College Mairang ia kaba la shna da ka jingbei tyngka na ka ophis jong ka Mairang Block sha ka  Student’s Council jong kane ka college.

Ha kane ka jingleit jurip ia kane ka Sanitary Complex hapoh jong ka Khadsawphra College Mairang, na ka liang jong u BDO u la pynpaw ia ka jingsngew kmen ka jong u ba ki samla pule jong kane ka college kila lah ban shna ia kane ka sanitary complex kaba la ia syriem bad ki sanitary complex kiba don ha ki kad liengsuin.

Kane ka Sanitary Complex ka long kaba nyngkong eh hapoh jong ka West Khasi Hills District baroh kawei ia kaba la shna da ki samla pule jong kane ka college. Ha kane ka Sanitary Complex, ki don ki Painkhana, ki jaka sum, ki jaka saitkhmat bad ka jaka ban kylliang riam. Ha kane ka jingleit jurip u BDO u la shem ba kane ka jingtrei kala jan dep bad kaba sah mynta ka long sa tang ban pyndait ia ki paidum.

Ha kane ka juh ka sngi na ka liang jong u BDO u la thung ruh ia ka “Election Literacy Club” hapoh jong kane ka college. Na ka liang jong u BDO ka Mairang u la batai ia ka jingmut jong kane ka ELC ba kumno ki khynnah pule ki dei ban pynrung kyrteng ia la de sha ka ELC bad ba kin long ki nongthep but.

Ha kane ka sngi u BDO jong ka Mairang u la thung ia ki  ar ngut ki nonghikai jong kane ka college ba kin long ki nonghikai ha kane ka ELC, ki nonghikai kiba la ioh ia kane ka jinghikai haba ia dei bad ka ELC ki long ka kong Aida C War bad ka kong Phurda Marbaniang bad kine ki nonghikai kin kylla long ki nonghikai ia ki khynnah ha kane ka Club, la ong u Principal ka College u Bah Boldness L Nongum.

 

 

 

 

What Next?

Recent Articles

Leave a Reply

Submit Comment

*