Leit jngoh U Conrad ia ka “Games Village” ha Umsawli ban long ka National Games 2022

Shillong, Jylliew 06: U myntri rangbah ka jylla u Conrad K Sangma mynta ka sngi u la leit ban jngoh da la de ia ka “Games Village” ha ka shnong Umsawli ka jaka ban shna ia ka madan ia lehkai na ka bynta ka National Games kaban long ha u snem 2022.

Ha kane ka jingleit jong u myntri rangbah la ong ba kane ka jaka ka dei jong ka Meghalaya Urban Development Agency, ha kaba ka sorkar ka lah ban pyndon kam ia kane ka jaka khlem da wad jaka shuh shawei.

U Myntri rangbah u la ong ba kane ka jingleit jngoh ka long kaba don kam namar shen yn sa ia kynduh ia u myntri rangbah duh jong ka ri ha ban ia kren halor kane ka bynta na ka bynta ban pynkhreh ia ka National Games bad ha kiwei ki bynta jong ka jylla.

Halor kane ka jaka na ka liang jong ka sorkar kan ia treilang ryngkat ryngkat bad ka Social Justice Ministry jong ka sorkar pdeng ban peit ba ia kane ka jaka ialehkai lah ban pyndep ha ka por kaba biang ha shuwa ban sdang ka National Games 2022.

Na ka liang jong u myntri rangbah ka jylla u la ong ba u don ka jingkyrmen ba ka sorkar pdeng kan pdiang ia ka jingai jingmut jong ka sorkar jylla namar kane kan long ka jingmyntoi ia baroh ki briew jong ka North East.

La ong ba kane ka jaka ialehkai kan ngam hapdeng 25 bad 30 hajar ki paidbah nongpeit kai bad kin don ki iing sah jong ki nongialehkai bad kin lah ban ngiam hadpeng 2000 bad 3000 ngut ki briew.

Ha kane ka jingleit jong u myntri rangbah sha katei ka jaka la don lang na ka liang jong ka MUDA, PWD, MeECL, tnad ialehkai , PHE bad kiwei ki tnad sorkar. Ha kane ka sngi u myntri rangbah  u la leit ban jngoh ruh ia ka jaka ban tei ia ka Information Technology Park.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet