Shillong, Lber 06: U Conrad K Sangma MP jong ka Tua mynta ka sngi u la leit ban jngoh ia kito kiba shitom na ka daw jong ka jingkylla kali ha ka sngi u blei ba la dep ha Jadokroh ha West Khasi Hills ha kaba bun ki mynsiem briew kila duh ei.
Ha kane ka jingleit jngoh , na ka liang jong u MP ka Tura u la shem ba ki dang don ar ngut kiba dang don ha pdeng ka jingshitom kaba jur, katba kiwei pat kila sdang ban ioh bor. Kane ka jingleit ka jong u sha kane ka jaka ka long ban tip la kine kiba shah sumar ha kane jaka ki long kumno.
Na ka liang jong u MP jong ka Tura u la ia kren ruh bad ki nongpyniaid jong kane ka hospital ia ki jingeh kiba ki ia kynduh bad na ka liang jong u la ai ka jingkular ba un sa ia kren bad ki bor ba dei peit halor ki jingeh kaba ki ia kynduh ban pynurlong ia ka jingthmu jong kane ka hospital.