Shillong, Nailur 23: U Myntri Khynnah jong ka Sorkar Pdeng ba dei peit ia ka Panchayati Raj, u KapilMoreshwarPatilmynta ka sngi u la pynpaw ka jingsngewhun halor ka jingpynbiang ia ki jingdonkam ha ki shnong bad kiwei kiwei ki kam hapoh ka skhim Mahatma Gandhi National Rural Employment Guarantee ha ki shnong ha jylla Meghalaya.
U Myntri u la wan sha ka jylla na ka bynta ar sngi ban peit bniah ia ka jingpyntreikam ia ki skhim Panchayati Raj. Ha ka jingleitjngoh ia ki shnong jong ka Mawlein Mawkhan hapoh Umsning, bad shnong Lum Umpih ha Ri Bhoi District, u la leit peit ruh ia ki kam ba la pyntrei hapoh ka skhim jong ka sorkar pdeng bad u la ong ba ia ka MGNREGA la pyntreikam bha na ka bynta ka roi ka par jong ki shnong ha Meghalaya.
Na ka bynta ban lum jingtip ia ka jingiaid ka kam, u MoS u la leit sha katto katne ki jaka ha ki shnong bad iakren bad ki briew kiba ioh jingmyntoi na ki skhim. Ka shnong Mawlein Mawkhan hapoh Umsning bad ka shnong Lum Umpihkilong ki artylli ki jaka.
Ha kane ka jignleit u Patil u la pynlong ia ka jingialang peit bniah bad ki ophisar jong ka tnat kiba peit ia ki kam ha ki shnong. U la lum jingtip ruh shaphang ki jaka ba pyntreikam ia ka projek Mahatma Gandhi National Rural Employment Guarantee Act (MGNREGA) ha ki shnong bad u la leitjngoh ia ki iing ba la shna hapoh ka Pradhan Mantri Awas Yojana-Gramin.
