Shillong, Nohprah 21: U myntri rangbah ka jylla u Conrad K Sangma mynta ka sngi u la leit ban jngoh ia kito kiba mynsaw ha ka jingiakhih ha khmat iing jong u Lat ka jylla ban dawa ban pyntrei kam ia ka Inner Line Permit ha kane ka jylla Meghalaya.
Ha kane ka jingleit jngoh na ka liang jong u myntri rangbah u la ai ka jingkit bok ia kine kiba dang shah sumar ba kin ioh noh ia ka jingkoit jingkhaih, ia u myntri rangbah la synrang lang ruh da u Medical Superintendent ka Civil Hospital Shillong.
Kane ka jingleit jngoh jong u myntri rangbah ia ki nongbah hapoh katei ka Hospital ka long ban pynpaw ia ka jingsngewlem ka jong u ia kiba la mynsaw ha ka jingiakhih ban dawa ia ka ILP ha kane ka jylla Meghalaya.
