Shillong, Lber 09: Mynta ka sng u president jong ka Ri Bangladesh u Md. Abdul Hamid u la wan poi sha Shillong ha kaba la pdiang burom ia u ha helipad ha Upper Shillong da u Myntri rangbah ka jylla u Conrad K Sangma bad u Lat jong ka jylla u Ganga Prasad.
Ha kaneka sngi u president jong ka Bangladesh u la leit ban jngoh ia ka shnong Balat kaba hap mynta hapoh jong ka South West Khasi Hills District. Ka jingleit ban jngoh ia kane ka shnong ka long ba sngewthuh ia ka jinglong ka jaka namar ha ka thma 1972 kaba ka Ri Bangladesh ka ioh ia ka jinglaitluid da ki bun hajar ki nong Bangladesh kila sah ha ki jaka sah jong ki poiwir ha katei ka jaka.
