Shillong, Nailur 27: U shongknor ka iing dorbar thawain ka jylla u bah Metbah Lyngdoh mynta ka sngi u la leit ban jngoh ia ki bynta jong ka West Khasi Hills District kiba la shah ktah ha ka jingslei um bad twa khyndew ha West Khasi hills district.
Ha kane ka jingleit la synran lang da u bah T. Lyngwa DC jong ka West Khasi Hills District, u SP bah Herbert Lyngdoh, Secretary PWD (Roads) u bah Pius Marweiñ, CE National highway u Bruce Marak bad kiwei ki heh sorkar.
Na ka daw jong ka jingjur palat u slap kala wanrah ia ka jingshlei um bad twa khyndew ha bun ki jaka hapoh ka District ha ka ba bun ki kynroh ruh kila khyllem. Kine ki jingkhyllem ki long ha Sohiong, ha Kynshi, Pyndengrei namar kane ka surok ka long ba Don kam namar ka pyniasoh bad ka Tura.
Ha kane ka jingleit jurip u shongknor u la bthah ba dei ban ialeh ban pynkhuid kloi ia ki jaka ba twa bad sahi kut ki khyndew bad ban peit ia ki lat jingiada khatam ia ki kynroh.
Ha kane ka jingshlei um ki paidbah nongrep kila duh shisha ba ka daw jong ka jinshlei um bad shah tap khyndew ki jaka rep, la bthah ia ki heh sorkar ban shim jingkhein katno ka jingjulor ha kane ka jingpynjot ka mariang bad ban ai ia ka kaiphot sha ka sorkar.
Ha kane ka jingleit u shongknor u la leit ban jngoh ruh ia ka surok ha Sohpian ka ba la mang pisa ban shna ia kane ka surok na Sohpian sha Nongstoin ka ba la kot sha ka T. 12 klur tyngka, kane ka long ba bit ban biang ki paidbah ban leit sha Tura.
