Shillong, Nailur 18: U MLA jong ka seng Congress u Zenith Sangma u la leit ban jngoh ia ki jaka ba la shah ktah ha ka jingshlei um ha ka Garo Hills na ka daw jong ka jingjur jong u sla bad ka shnong kaba la shah ktah palat ka dei ka shnong Sangharegre.
Ha kane ka shnong ki don palat ia ka shispah tylli ki long iing bad baroh ki iing ki sem ha kane ka shnong kila shah tap ha ka um na ka daw jong ka jingjur palat jong u slap ha ka meit sngi Palei bad ha ka step kaba but jong ka juh ka sngi bad baroh ki briew kila hap ban mih na ki iing ki sem.
Ha kane ka jingleit jong u Zenith ha katei ka shnong la iohi ba ki briew kila shna dara ha surok ban shet ban tiew na ka bnynta ban ioh ia ka bam ka dih, na ka liang jong u la kren ia ki bor jong ka District Administration ba kin leh ia kaba don kam na ka bynta kine ki briew kiba shah ktah ha kane ka jingjur jong u slap.
Namar ka jingbym ioh ia ka um kaba khuid ban shet ban tiw ia ka um la wan kit da ki Tanker kiba dei jong ka tnad sam um jong ka sorkar jylla bad la ong ba ia kane ka jingpynpoi ia ka um dih dei ban leh haduh ba kine ki briew kin ioh ba leit phai sha ki iing ki sem.
