Shillong, Naiwieng 18: U Myntri rangbah jong ka jylla u Cornad K Samgma mar ia wan na Delhi, u la leit beit beit sha Qualapatty ban leit jngoh ia ka iing mane jong ka jong Balang u Blei kaba la shah bam ha ka ding ha ka jingpluh ha ka step sngi u blei.
U Myntri rangbah ka jylla u la ong ba ka jingpluh jong ka iing mane kam dei ka jingduh tang ia ka balang, ki riew ngeit hynrei ka long ia ka jylla bad ia ka nongbah Shillong hi baroh kawei. Ka long kaei kaei kaba sngewsih ba kan jia kum kane ka jingjia.
Ka jingduh noh jong ar tylli ki mynsiem ha kane ka jingjia ba sngewsih ka long ka jingduh kaba khraw na ka liang jong u myntri rangbah u la leit ban jngoh ia ka long iing kiba la ia kynduh ia kane ka jingjia kaba sngewsih.
Ha kane ka sngi kiba la synran lang ia u myntri rangbah u bah Banteidor Lyngdoh myntri ka tnad rep jong ka sorkar jylla, u MDC jong ka Mawsynram u bah Alvin K Sawkmie bad kiwei kiwei ki nongialam seng sain pyrthei kila ia don lang bad u myntri rangbah ka jylla bad ka Deputy Commissioner jong ka East Khasi Hills ka kong Matsiewdor War.
Ha kane ka sngi u Shongknor jong ka iing dorbar thawain ka jylla u Bah Metbah Lyngdoh ruh u la leit ban jngoh ban pynpaw ia ka jingsngewsih halor kane ka jingjia kaba khlem poi pyrkhat ha kaba la don lang ruh ki nongkit kam jong ka party UDP ha kane ka sngi.
