Shillong, Naiwieng 05: U Myntri rangbah ka jylla Meghalaya u Conrad K Sangma mynta ka sngi ha ka jingleit jong u sha Bangladesh ryngkat bad ka kynhun myntri bad ki nongkhaii na kane ka jylla kila leit ban jongoh ia ka iing Syiem Jaintiapur barim bajah kaba la sah mynta sa tang ki maw nongrim ha katei ka jaka.
Ha kane ka jingleit la synranlang ia umyntri rangbah da u Bah Sniawbhlang Dhar, Bah Banteidor Lyngdoh, Bah Lahkmen Rymbui na ka liang jong ki myntri, ki ophisar sorkar, ki nongkhaii ha kane ka jingleit saw sngi lynter sha ka thie ka ri Bangladesh.
Ia u myntri rangbah ka jylla Meghalaya bad ia ka kynhun la pdiang burom da ki pulit jong ka Bangladesh ha jan Tamabil ha ka jingiadon lang ki heh sorkar ka thie ka ri. Mynta ka miet na ka liang jong kane ka kynhun na Meghalaya kila ia kynduh ia ki nongkhaii na Bangladesh ha Sylhet.
Kane ka jingleit jong u Myntri rangbah sha Bangladesh ka long ban wad ia ki lad ki lynti ban pynkhlain ia ka khaii pateng hapdeng ka jylla Meghalaya bad ka Bangladesh namar kumba ka long ka jylla Meghalaya ka dei ka jylla kaba ia jan tam eh bad ka thie ka Ri.
